21-годишен белграѓанец идентификуван како З.Ј. е уапсен синоќа во српскиот главен град, откако со својот автомобил „Смарт“ прегазил и усмртил жена во белградската населба Чукарица, по што не застанал да ѝ пружи помош на жртвата и избегал, јавуваат српските медиуми.

Тој е осомничен за тешки кривични дела против безбедноста на јавниот сообраќај и неукажување помош на лице повредено во сообраќајна незгода, за кои максималната предвидена казна затвор е 12 години. Отежнителна околност за него е и тоа што имал 0,9 промили алкохол во крвта.

„Тој се сомничи дека ноќта меѓу понеделникот и вторникот околу 00:15 часот на пешачки премин на улицата „Кнез Вишеслав“ во населбата Чукарица налетал на 34-годишна, која им подлегнала на повредите од ударот на самото место“, соопшти полицијата.

Откако избегал, полицијата набрзо го фатила момчето со „Смартот“, на кое му е одреден притвор од 48 часа. З.Ј. со кривична пријава ќе биде изведен во Вишото јавно обвинителство во Белград.