Дали знаевте дека одредени млечни производи се добри за срцето, го намалуваат холестеролот, но и ризикот од деменција?

Некои експерти веруваат дека молекуларната структура на сирењето и неговите уникатни компоненти значат дека тоа всушност може да биде корисно за здравјето. Истражувањата дури сугерираат дека сирењето има позитивен ефект на срцето, цревата и когнитивното здравје и може да заштити од дијабетес тип 2, пишува „Дејли мејл“.

Една од најновите студии покажа дека редовното јадење сирење е поврзано со подобро здравје на мозокот кај постарите луѓе.

Научниците во Јапонија ја анализираа исхраната на повеќе од 1.500 луѓе постари од 65 години. Оние кои пријавиле дека редовно консумираат сирење (која било количина, еднаш неделно до секој ден) постигнале подобри резултати на когнитивните тестови и имале помал ризик од деменција во споредба со оние кои воопшто не го консумирале.

Друго истражување, претставено на конференцијата на Американското здружение за диететика, сугерира дека пробиотикот Lactobacillus rhamnosus GG, кој се наоѓа во пармезанот и јогуртот, ја подобрува меморијата и функцијата на мозокот кај постарите луѓе со благо когнитивно оштетување, што е заканувачка деменција.

Кога е во прашање здравјето на срцето, и покрај долготрајните стравувања дека заситените маснотии во сирењето го зголемуваат нивото на лошиот холестерол (ЛДЛ) во крвта, неодамнешните истражувања го покажуваат спротивното.

Во 2018 година, д-р Ема Фини, доцент на Институтот за храна и здравје на Универзитетскиот колеџ во Даблин, водела шестнеделно испитување во кое 164 лица на возраст над 50 години со благо зголемен холестерол беа поделени во три групи и добиле 42 грама млечна маст.

Истражувањето, објавено во „Американскиот весник за клиничка исхрана“, открило дека групата која консумирала полномасно сирење имала поголемо намалување на вкупниот холестерол и ЛДЛ (лошиот) холестерол од другите две групи.

Д-р Фени верува дека клучот е матрицата на сирењето и начинот на кој маснотиите се задржуваат во неговата структура.