Како што им доликува на најмладите и најталентираните, тинејџерите од МЗТ Скопје УНИ Банка, први меѓу прволигашите, почнаа со подготовките за новата сезона.

Предводени од новиот тренер Борче Даскаловски, иднината на Аеродром излезе на теренот и одработе серија модерни тестови, кои на стратегот му дадоа податоци за тоа со што располага и на што ќе треба да се фокусира до стартот на првенството.

Напорот воопшто не им дојде тешко на кошаркарите, среќни што конечно му се вратија на спортот што најмногу го сакаат со оглед на петмесечната пауза поради пандемијата до Ковид-19.

Денешниот тренинг мина со целосно запазување на протоколот на КФМ, чија примарна цел е заштита на играчите и останатите од тимот.

Бојиќ по една сезона се врати во МЗТ Скопје