Македонската младинска машка ракометна репрезентација денеска и по третпат е поразена во групната фаза на Светското првенство (У21).

Избраниците на селекторот Раде Стојановиќ загубија од селекцијата на Исланд со 34:28, а на полувремето противникот имаше само еден гол позитива (15:14).

Прв стрелец во редовите на македонската репрезентација беше Узунчев со 10 погодоци.

На конечната табела во групата Ф Фарски Острови го освои првото место со пет бодови, пред Романија со четири, Исланд три, а Македонија ниту еден.

Нашите ракометари ќе го продолжат настапот на Мундијалот во Президент купот за пласман од 17 до 32 место.

Македонија е во новоформираната група 3 каде противници ќе ни бидат Мексико и Мароко.