Голманот на македонската ракометна репрезентација, Никола Митревски, е еден од најзаслужните за ремито на Порто на гостувањето кај Фленсбург од 26:26 во рамки на 13 коло од Лигата на шампионите.
Митревски натреварот го заврши со 14 одбрани, од кои еден беше седмерец и имаше 35 отсто успешни одбранети шутеви.

Покрај Митревски, одлична партија прикажа и Џибрил М’бенге со шест постигна голови, додека кај германсиот тим најдобар беше Теитур Орн Еинарсон со осум гола.

Актуелниот европски шампион Алборг славеше на гостувањето кај Монпелје со 31:33 и се искачи на првото место во групата А со 20 бода, два повеќе од Пик Сегед и три од Кил кој има и натпревар помалку. Алборг победата ја обезбеди во првото полувреме кое го доби со 14:20 и во вториот дел рутински ја одржуваше предноста до крајот на средбата.
Феликс Клар со десет гола беше најпрецизен кај Алборг, додека Уго Деска даде осум гола за Монпелје.