„Мис карантин на светот“: Две убавици од Македонија влегоа во финалето! (ФОТО)
Во текот на годината ширум целиот свет се одржуваат многу интернационални избори за „Мис“, меѓутоа сега поради пандемијата на коронавирусиот и овие настани згаснаа. Освен еден, кој се одрржува во моментов – „Мис Карантин на светот“. Да, не е шега.
Имено, „Gecjan Fashion Group“ од Приштина и нивниот директор Илир Геци се решија да организираат еден ваков избор, но не класичен, туку онлајн, како што единствено е ѝ можно кога речиси целиот свет е во карантин. Коорганизатори на овој избор е модното студио „Црнокрак “и Тугче Сарјакајн од Турција.
Право на учество имаа сите убави девојки од планетата, на возраст помеѓу 16 и 26 години, со тоа што за учество требаа да испратат само две видеа, на едното како се претставуваат, а на другото како се движат, нормално во домашни, карантински услови и да испратат уште 10 слики – 5 обични слефи и 5 професионални.
Се пријавија дури 210 девојки од околу 50 држави. Прво беа избрани 70 полуфиналистки, а потоа 15 финалистки кои ќе учествуваат на големото финале кое ќе се одржи во недела, 17-ти мај во 21 часот – онлајн секако, на ФБ и на ТВ 21 која се гледа и во Македонија.
Во жирито меѓу светски познати имиња од модата и убавината ќе биде и Мики Црнокрак, сопственикот на модното студио „Црнокрак“.
Од Македонија имаше пријавено четири девојки, а две од нив успеаа да влезат во 15-те финалистки.
Тоа се дваесетчетиригодишната Кристина Димитријевска од Тетово и шеснаесетгодишната Бисера Цуцулова од Скопје, двете цленки на модното студио „Црнокрак“.