Мило Ѓукановиќ го потпиша контроверзниот закон за вероисповед во Црна Гора
Претседателот на Црна Гора, Мило Ѓукановиќ го потпиша денеска указот за Законот за вероисповед, пренесува „Индекс“, повикувајќи се на информации од националниот телевизиски сервис.
Пратениците во црногорскиот Парламент пред два дена со 45 гласови го усвоија овој закон.
Демократскиот фронт претходно денеска го повикаа Ѓукановиќ да не го потпишува законот, туку да го врати во Собрание на доработка. Пратениците на ДФ предложија и распишување референдум за тоа прашање.
За време на гласањето на законот се случи инцидент во црногорското Собрание, по што пратениците на ДФ беа приведени.
Црна Гора по 42 години доби нов закон со кој се уредуваат верските прашања, пишува ЦдМ.