Управата на Борусија Дортмунд е свесна дека Ерлинг Халанд по завршување на сезонава ќе си замине и уште сега ја започна потрагата по неговиот наследник и веќе направи листа со потенцијални наследници на Норежанецот.

Според ЕСПН, на листата на желби на „милионерите“ се наоѓаат пет имиња, Карим Адејеми од Салцбург, Дарвин Нуњез од Бенфика, Џанлука Скамака од Сасуоло, Саша Калајџиќ од Штутгарт и напаѓачот на Реал Мадрид, Лука Јовиќ.

Главен фаворит да го наследи Халанд на „Сигнал Идуна Парк“ е младиот германски репрезентативец Карим Адејеми кој сезонава игра фантастично во дресот на Салцбург. Дел од германските медиуми дури и објавија дека работата е завршена и Адејеми за сума од 40 милиони евра ќе стане нов фудбалер на Борусија Дортмунд.