Лидерот на ВМРО-ДПМНЕ, Христијан Мицкоски на Фејсбук напиша дека според неговите информации Анексот кој беше споменат од бугарскиот вицепремиер Красимир Каракачанов е со исклучително лоши позиции за македонскиот идентитет.

„Пред три месеци, во “Само интервју” на Канал 5 телевизија реков дека постои Анекс на Договорот со Бугарија. Тогаш од Заев, неговите немоќни соработници и владината лажлива пропаганда бев нападнат дека ширам невистини.

Денес, министер од бугарската Влада потврдува дека постои Анекс од 12 точки кој е даден до македонската Влада, а според информациите со кои располагам е со исклучително лоши позиции за македонскиот идентитет.

Каракачанов: Македонија добива датум месецов ако го потпише Анексот од 12 точки

Оттука, имам две прашања: првото, ќе се извини ли владата што ширеше лажни вести, и второто, што содржи анексот од 12 члена кој Владата го крие од очите на јавноста?“, напиша Мицкоски.