Претседателот на албанската политичка партија ДПА, Мендух Тачи гостуваше во дебатниот магазин „Клик плус“ на телевизија 21, каде го кажа своето мислење за опозициската партија ВМРО-ДПМНЕ.

Според него, тоа е про-руска и про-српска партија, а тоа ќе донесе асимилација на македонскиот народ.

„Може да биде фрустрацијата што ја имаат Македонците за да си го зачуваат идентитетот, но од друга страна тоа е директна асимилација, бидејќи ги знаеме намерите на Србија и Русија. Со години ги знаеме намерите на овие земји, дури и ако ги гледате нивните документарни филмови и емисии. Ако не се свесни дека имаме про-ури што ги имаат, тоа е фатално за нив. Треба отворено да разговараат со своите гласачи, да им покажат дека тоа е фаталност. Тие мора да им кажат на луѓето каде треба да одат и каде сакаат да одат“, порача Тачи.

Taчи истакна дека опозициската ВМРО-ДПМНЕ ќе „јаде многу шлаканици“.

„Мислам дека ВМРО-ДПМНЕ ќе јаде многу ‘шлаканици’ до денот на изборите, дури и од меѓународните партнери. ‘Шлаканиците’ ќе бидат многу големи, затоа што ако победат ќе изгубат, 1, 2, 3“, вели Тачи.

Според него, ВМРО-ДПМНЕ во последен момент ќе го смени ставот за уставните измени.

„’Шлаканиците’ ќе растат, додека поддршката за остатокот од политиката ќе оди далеку. Ова ќе биде делот што е проевропски, дел од проевропскиот фронт“, рече понатаму Тачи.