Меџити: Мојот фокус сакам да биде на завршување на изградбите на новите болници во Штип и Кичево
Министерот за здравство Фатмир Меџити вели дека во неговиот мандат сака да се фокусира на оживување на регионалните клинички центри како и завршување на изградбите на новите болници во Штип и Кичево.
Имаме и концепт, да имаме регионален центар во Тетово, меѓу Тетово и Гостивар, еден меѓу Струга и Охрид. Да се доврши сегашната штипска болница и да се заврши изградбата на кичевската болница, да се реновира болницата во Куманово. Потребно е комплетно реновирање и на болницата во Битола. Ова се големи капитални инвестиции, имаме неколку опции и за самофинансирање има и заинтересираните страни, кои се многу сериозни меѓународни компании – изјави Меџити во гостување на „Summer Click” на ТВ21.
Според министерот, изградба на нов Клинички центар во Скопје е повеќе од потребна,
Клиничкиот центар не може да биде само ветување кое нема да се реализира, туку тоа е стратешки објект на државата, каде ќе може да се добива интегрирана медицинска експертиза, на пациентите да им овозможиме лесен пристап до сите здравствени услуги, а на медициснкиот персонал современи услови за работа – додава тој.
Меџити заклучи дека нема да дозволи да се повторуваат сценаријата од минатите години, а изградба на нов Клинички центар да биде само ветување. Најави усогласување на идеи и размислувања на сите општетствени, експертски, па и политички чинители во државата.