Освојувачот на тенискиот Мастерс во Рим, Италија, во 2023 година, Данил Медведев, годинава се пласираше во осминафиналето на турнирот во „вечниот град“.

Медведев го победи Австралиецот Алексеј Попирин во третото коло со резултат 2:0 во сетови 6:4 и 6:1 по 87 минути игра.

Медведев беше доминантен против 25 рангиран играч во светот, правејќи два брејка во двата сета.

Русинот во следната рунда го чека победникот од мечот помеѓу домашниот играч Лоренцо Мусети и американскиот тенисер Брендон Накашима.

Гркот Стефанос Циципас беше елиминиран од турнирот откако беше поразен од Французинот Артур Фис со 2:6, 6:4, 6:2.

Противник на Фис во борбата за место во четвртфиналето ќе биде Германецот Александер Зверев или Литванецот Вилиус Гаубас.