„Оваа власт наметнува наратив кој е целосно антидемократски и ги оспорува можностите да кандидираме градоначалници каде што сметаме дека на граѓаните би им се допаднала платформата на Левица. Ова е за нас сериозен аларм за капацитетот на оддржување на изборите во демократска атмосфера” – изјави кандидатот за градоначалник на Град Скопје, Амар Мециновиќ.

ВМРО-ДПМНЕ има тенденција да ја сузбива опозицијата, но за среќа имаме кандидати способни за управување со општините. Пример е нашиот одличен кандидат за градоначалник на Струга, тоа е пратеничката Јована Мојсоска, чиј капацитет може да им се допадне на многу граѓани на Општина Струга и тоа е сосема легитимно. Коалиција со ДУИ не постои, ВМРО-ДПМНЕ има матрица на размислување дека мандатот им е загарантиран и дека не треба да излезат пред граѓаните. Тие кои ни ги имаат уништено општините практично сакаат да избегаат од клучната дебата – какви услови на живот ни имаат оставено, какви се општините финансиски и со каков капацитет на животни услови располагаме!, рече Мециновиќ за ТВ Шења.