Извршниот директор на „Тесла“, Илон Маск, изјави дека минатата година донирал акции во вредност од околу 1,95 милијарди долари од својот производител на електрични автомобили во добротворни цели, јави „Би-Би-Си“.

Донацијата од 11,6 милиони акции била опишана во поднесокот до американските регулатори како „искрен подарок“. Од донаторската фирма не го именуваа примателот или примателите на донацијата.

Исто така, Маск изјави дека оваа година ќе биде „добро време“ да се најде некој што ќе го наследи како главен извршен директор на „Твитер“.

Документот поднесен до Комисијата за хартии од вредност на САД покажа дека донацијата е направена помеѓу август и декември минатата година.

Не е првпат Маск да дава акции на „Тесла“ во добротворни цели. Тој донираше акции во вредност од околу 5,74 милијарди долари во 2021 година, според регулаторното поднесување.

Тој, исто така, на Твитер таа година рече дека планира да донира 20 милиони долари за училиштата во округот Камерон и 10 милиони долари за градот Браунсвил во Тексас, САД за „ревитализација на центарот на градот“.