Оваа година се навршуваат 28 години од отсуството на Анче Џамбазова, мајката на Игор и Тања. Во втората епизода од емисијата „Мамавизија“ ќе раскажуваме за бардот на македонското глумиште, жена со насмевка која пленеше и глума со која воодушевуваше. За тоа колку недосастува нејзиното присуство во театарот, на филмот, но пред сè за тоа колку му недостасува на нејзиниот син, Игор Џамбазов.

Поканата да биде наш гостин Џамбазов ја прифати со полно срце, и како што и самот вели: „Има ли некој што би кажал нешто лошо за својата мајка?! Со задоволство ќе раскажувам за Анче!“

Оваа емисија ја правиме надвор од студиото вдишувајќи го мирисот на југот, по неговата срдечна покана да го направиме интервјуто во Дојран, и нe погрешивме. И вие ќе го забележите тоа вечерва во 20 часот на јутјуб-каналот на „Слободен печат“, кога премиерно ќе се емитува новата епизода на „Мамавизија“ со водителката Александра Вуксановиќ.