Макрон со најлош рејтинг во справување со пандемијата, од оваа жена-лидер граѓаните се најзадоволни (ФОТО)
Граѓаните на државите најпогодени од коронавирусот се најмалку задоволни од одговорот на владата на епидемијата, според анкета објавена денеска.
На скала од 0 до 10, најлошиот рејтинг го доби францускиот претседател Емануел Макрон (4,1). Неговиот одговор на епидемијата не е задоволителен за дури 42 проценти од Французите.
Премиерката на Нов Зеланд, Џасинда Ардерн доби највисок рејтинг (7,8). Само седум проценти од граѓаните се незадоволни од нејзините мерки, што ја вивна на врвот на лидери кои успешно се справиле со коронакризата.
Австрискиот канцелар Себастијан Курц доби оценка од 6,8 (со 11 проценти од незадоволните граѓани).
Следува германската канцеларка Ангела Меркел со оценка 6 од задоволните и 20 проценти кои се изјасниле како незадоволни граѓани.
Рејтинг под 6 добија британскиот премиер Борис Џонсон (5,6), италијанскиот премиер Џузепе Конте (5,5) и шведскиот премиер Стефан Левен (5,2).
Анкетата, во соработка со Институтот Ипсос и нејзините партнери, беше спроведена во седум земји од 16 до 24 април: Франција, Германија, Велика Британија, Италија, Австрија, Шведска и Нов Зеланд.