Сениорската одбојкарска репрезентација на Македонија загуби со 1:3 во сетови (25:23, 15:25, 24:26, 23:25) од Швајцарија на отворањето на 49 издание на меморијалниот меѓународен турнир „Бранко Хаџииљоски – Чајка“.

Македонија и Швајцарија одиграа интересен натпревар, полн со пресврти, во кој одлучуваа нијанси во најголем дел од средбата.

Како клучно за поразот се покажа третиот сет во кој македонските репрезентативци имаа водство од 24:22, но не успеаја да искористат две сет топки. До серија од 0:4 гостите дојдоа до 24:26 и предност од 1:2.

Капитенот Никола Ѓорѓиев беше најефикасен со 16 поени, следен од Александар Љафтов со 15, додека Стојан Илиев имаше 10 поени. Филип Савовски запиша пет поени, додека Филип Маџунков имаше четири.

Во вториот натпревар на меморијалот ќе се соочат репрезентациите на Бугарија и Швајцарија.