Македонскиот скијач Дехари второпласиран во црногорскиот Колашин
Веќе е во тек скијачката сезона, а на меѓународната сцена настапуваат и македонските натпреварувачи.
Во Колашин, Црна Гора, на подиумот се најде Дардан Дехари кој имаше одличен настап во слаломската дисциплина со резултат 01:28.90 мин.
На првото место се најде Унгарецот Бенце Наѓи (01:27.82), а третопласиран е неговиот сонародник Мартон Кекеши (01:29.51).
На четвртата и петтата позиција се најдоа нашите натпреварувачи Мирко Лазарески (01:31.66) и Виктор Петков (01:31.44).
Во истата дисциплина имаше и учесници од Кипар, Грција, Косово, домаќинот Црна Гора и Мароко.
Воедно може и да се додаде дека на денешниот велеслалом во Колашин, Петков се пласираше на лидерското прво место со 74,79 поени.