Од денеска со одлука на Собранието на спортската организација, сменето е името на Македонскиот олимписки комитет, и сега се вика Олимписки комитет на Северна Македонија или скратено ОКСМ.

Воедно организацијата го смени и статутот, а таа промена доаѓа по барање на Интернационалниот олимписки комитет (ИОК).

Собранието има 53 членови од кои 29 од спортс федерации кои се од олимписки спортови, а останатите делегати ќе бидат од спортови што не се дел од олимписката програма.

Васил Тупурковски ќе остане претседател на комитетот до Олимписките игри во Токио 2020 година.

За потпретседатели се постави првите луѓе на боксерската и кошаркарската федерација, Примислав Димовски, односно Перо Антиќ.

Исто така минатиот месец беше објавено дека од ИОК бараат да се усвои Законот за спорт најдоцна до мај 2020.