Македонската таеквондистка Рељиќ ќе настапи на Светското првенство во Мексико
Мила Рељиќ ќе се обиде да донесе нов врвен резултат за македонското таеквондо, а нејзин следен настап е Светското првенство кое ќе се одржи од 13 до 20 ноември во Мексико.
Таеквондо клубот „Тигри – Скопје“ упатува огромна благодарност за поддршката од Градоначалникот на Општина Гази Баба, Бобан Стефковски за учеството на СП.
Потсетување дека Рељиќ во август во Естонија го освои европскиот златен медал во обид да го круниса со уште позначаен успех во Мексико.
Моментно е на високата 10 позиција на светската ранг листата, а според најавите од клубот ќе се бори на 15 ноември.
Минатиот месец Рељиќ обезбеди уште еден медал од Г2 турнирите, бронза од Монтенегро Опен во Црна Гора за дополнителни поени за светската и олимписка ранкинг листа.