Денеска во првиот натпревар од Европската златна лига на првиот турнир во салата „Парк“ во Струмица, најдобрата македонска одбојкарска репрезентација загубија од Естонија со 3:1 во сетови.

Естонците го освоија првиот сет со 25:23, а во вториот возвратија избраниците на селекторот Хари Наковски во кој доминираа со 25:14.

Естонија беше подобра во третиот сет со 25:19, а во четвртиот (25:22) дојдоа до првиот триумф во ова натпреварување.

Во нашата селекција Н. Ѓоргиев беше најефикасен со 17 поени, а еден помалку запиша С. Илиев. На спротивната страна по 16 поени забележаа Р. Тепан и Р. Тат.

Вториот меч во Струмица нашите најдобри одбојкари ќе го имаат в недела од 20.15 часот против Чешка.