Српскиот стратег Синиша Михајловиќ повторно е во центарот на вниманието поради неговата здравствена состојба.

Легендата на српскиот фудбал веќе три години се бори со леукемијата, па иако помина низ успешна трансплатација на коскена срж и продолжи да живее како ништо да не се случила пред неколку месеци леукемијата за жал се вратила.

Италијанските медиуми објавуваа дека состојбата му се влошила, а утрово се огласи и познатиот новинар Иларио Ди Џиова кој потврди дека состојбата на Михајловиќ се влошила, но и понатаму е стабилен.

„Синиша Михајловиќ е во стабилна состојба, но не е во иста здравствена состојба. Вистина е дека во последните неколку часа неговата состојба се влоши. Тој е опкружен со семејството кое му пружа поддршка во овие моменти“, објави новинарот.

Засега никој од семејството на Михајловиќ не се огласил во јавноста.

Alle 11.53 Sinisa #Mihajlovic è stabile. Le notizie che rimbalzano nelle chat sono totalmente false. Vero è che nelle ultime ore le sue condizioni di salute sono peggiorate. È circondato dall’affetto dei suoi cari che lo confortano. Questa corsa all’annuncio è raccapricciante.

— Ilario RadioRadio (@IlarioDiGiovamb) December 14, 2022