Лига на нации: Во Никозија ќе играме и без Елмас!
Уште на прес конференцијата после натпреварот со Естонија, селекторот Игор Ангеловски изјави дека Елиф Елмас се пожали на повреда на бутниот мускул.
Прегледите дадоа лоши резултати, македонската А репрезентација в среда (18.00 часот) во Никозија против Ерменија ќе игра без уште еден клучен играч, фудбалерот на Наполи.
Многу проблеми пред последниот и најважен натпревар за пласман во повисок ранг од Лигата на нации, односно „Лигата Б“, а до обезбедување на првото место можеме и со реми на кипарското тло.
Покрај Елмас, нашиот стратег не може да смета уште на Пандев кој им се врати на тренинзите во Џенова, повредени се и Адеми, Барди, Алиоски, ќе недостасува голманот Димитриевски, потоа Николов и Спировски поради жолти картони, а од претходно поради позитивни тестови на ковид-19, ќе отсуствуваат уште К. Велкоски и Ристевски.
Ангеловски за претстојниот дуел ги повика Дарко Мицевски (Вардар), Душко Трајчевски (Докса, Кипар) и Томе Китановски (Македонија ЃП).