Во рамките од седмото коло во групата „Б“ на Лига Европа составот на Нант дома убедливо со 36:25 славеше над Кокс од Финска.

За француската екипа настапи македонскиот селектор и репрезентативец Кирил Лазаров кој двапати се запиша во листата на стрелците.

Од неговите тимски колеги најефикасен беше Словенецот Овничек со седум голови, а кај Финците по четири погодоци имаа Ненита и Ерсин.

На табелата после седум кола водат ГОГ и Бенфика со по 11 бодови, 10 има Нант, осум Лемго, два Чеховски Медведи, а без бодови и натаму е Кокс.

Во следното осми коло Нант ќе му гостува на германскиот Лемго на 22 февруари.