Порано одморите на Јадранското Море се планираа со насмевка и без прекумерно пресметување, денес тие сè почесто предизвикуваат стрес, па дури и огорчување, пишува „Б92Путовања“.

Цените во хрватските туристички центри растат од година в година, а се чини дека оваа сезона трката за профит започна порано од кога било. Од кафе кое чини пет евра, лежалки кои се изнајмуваат поскапо од ноќевање во соба, до порции риба кои достигнуваат цени како и во луксузните ресторани во европските метрополи – сето ова веќе ги загрижува и домашните и странските гости.

Социјалните мрежи и форумите се полни со коментари за „летување под хипотека“, а многумина се прашуваат каде е границата. Додека некои сè уште се обидуваат да пронајдат прифатливи аранжмани, други веќе најавуваат дека би сакале да одат во Грција, Турција или во Црна Гора.

Едно е сигурно – сезоната сè уште не започнала како што треба, а за цените се зборува како да сме веќе во средината на август. Ова го потврдува и најновата објава на Редит, каде што еден корисник објавил фотографија од ценовник од кафуле на плажа во Сплит.

„Можеби ценовникот е поставен на 100 метри од барот на плажата, но барот е во сенка (Жњан, Сплит)“, напишал тој во објавата со фотографијата, а потоа додал: „Добредојдовте на Ибица“, алудирајќи на високите цени.

Како што може да се види на фотографијата, цената за изнајмување лежалки се движи од 35 до 1.300 евра.

Во коментарите, еден Хрват се јавил и порачал:

„Додека има овци, ќе има и стрижење“.

Друг корисник ги споредил цените во популарното летувалиште во Шпанија, Ибица и во Сплит. Според податоците од веб-страницата Нумбео (Numbeo), Сплит е поскап, барем кога станува збор за туристичките објекти. Авторот на објавата одговорил на тоа:

„О, ужас! Јас, пак, уште и се потсмевам, кога тоа поскапо и од Ибица“.

Иако летната сезона официјално сè уште не е започната, дискусиите за цените покрај море се веќе секојдневна тема – во кафулињата, во медиумите и на социјалните мрежи. Многумина се прашуваат каков туристички бран нè очекува кога, веќе во предсезоната, цените на сместувањето, кафето или порциите лигњи достигнаа нивоа што до вчера беа резервирани за најскапите европски дестинации.

Ако судиме според првите впечатоци, летото 2025 година повторно ќе ги стави на проба паричниците и нервите на домашните гости – а сезоната сè уште не е ни започната како што треба.