Леонтина на работ од егзистенција! Некогаш животот и беше мед и млеко, а денеска е потполно друга приказна!
Како самохран родител, кантавтор и композитор, пејачката вели дека денеска не е лесно да заработи за парче леб.
– Немам менаџер, туку се промовирам самата, немам маркетинг тим и тоа ми е голем товар. Не сум среќна кога морам тоа да го правам. За да опстоиш во шоу-бизнисот денеска, мораш да бидеш сам на себе менаџер и организатор, продуцент, стилист. Од кога знам за себе, јас сум приватник и од кога дојдов да работам во детскиот културен центар во Белград ми се наметна уште една работа и се трудам и задоволство ми е што можам да работам. Нормално, го користам моето влијание и познанства како јавна личност да ја промовирам што е можно повеќе детската култура – рекла за „Блиц“ Леонтина Вукомановиќ.
Инаку нејзината ќерка Луција неодамна се проба како манекенка и иако со мајка ѝ се појавува на јавните случувања, таа повеќе сака забави со врсниците.
– Таа не пропушта прилика да се појави на ревии, а сега има девет години и многу и се важни забавите со другарите од одделението. Во една прилика ми кажа: „Мамо, јас сум сепак дете, јас би сакала да играм, а кога ќе пораснам, тогаш може да бидам манекенка“, без оглед што претгодно не пропушташе прилика да прошета на модна писта – објаснува Леонтина.
Кога е во прашање воспитувањето, Леонтина и забранува премногу да користи мобилен телефон.
– Нажалост, тоа не е нешто што е забрането, но мобилниот телефон пречи. И го одземам ако претера со него или ако претера со некои модели на однесување по прекумерна употреба на телефон. И го одвлекувам вниманието и се обидувам да и го одземам телефонот, но дефинитивно би сакала да и забранам користење.