Фрижидерот е одлично место за складирање на повеќето овошја и зеленчуци, но не е секогаш добра идеја да се чува овошје во фрижидер. Постојат неколку видови овошје што не треба да се чуваат во фрижидер. Оваа група вклучува овошје што продолжува да зрее дури и откако ќе се набере. Ладењето на овие овошја не само што го прекинува тој природен процес на зреење, туку може негативно да влијае на нивната текстура, вкус и изглед, претворајќи ги во овошје кое може уште да биде погодно за џем или смути – но нема да биде пријатно за јадење во сирово облик.

Затоа, пред да ги фрлите во корпа за отпадот добрите плодови, оставете ги на собна температура да созреат и уживајте во нив кога се највкусни. Општите лекари, нутриционистите и готвачите советуваат да избегнувате да го оставате ова овошје во фрижидер.

„Ниските температури нагло го запираат процесот на зреење на бананите“, вели готвачката и сопственичка на „Ту гловс кичен“, Џен Ла Рока.

„Текстурата може да стане гумена, а вкусот мошне безличен. Бананите е најдобро да се чуваат на пултот, на работната површина, каде што можат да ја развијат својата природна слаткост.“

Праски

„Праските, сливите и нектарините треба целосно да зреат на собна температура за да го достигнат својот сочен, ароматичен врв“, објаснува Ла Рока.

„Ако ги ставите во фрижидер прерано, ќе добиете брашнесто, безвкусно овошје. Јас секогаш ги оставам да омекнат на пултот пред да ги сервирам или додадам во десерт.“

Сливи

Да – сите коскести овошја треба да бидат на масата или пултот, а не во фрижидер. Измијте ги веднаш по враќањето од продавницата, за да бидат подготвени за ужина штом омекнат, советуваат лекарите.

Нектарини

Нектарините, мазна „роднина“ на праските, треба да се чуваат надвор од фрижидер заедно со праските и сливите. Секако, ако ги исечкате за овошна салата, тогаш чувајте ги во фрижидер – во цврсто затворен сад – и ќе бидат добри уште еден или два дена.

Тропско овошје

„Тропското овошје како ананас, манго и киви најдобро успева на собна температура, каде што рамномерно созрева и ја задржуваат својата сочност“, вели нутриционистот Њуман.

„Меѓутоа, откако еднаш ќе ги исечете, најдобро е да ги ставите во фрижидер и да ги чувате во херметички затворен сад.“

Затоа, прво дозволете папајата да ја украси вашата кујна – па дури потоа ставете ја во чинијата!