Легионерската болест (инфекција на белите дробови) однесе 23 животи во Полска: Изворот на инфекцијата не е идентификуван
Во Полска до 11 септември се пријавени вкупно 23 смртни случаи поврзани со легионерска болест ( инфекција на белите дробови-пневмонија) соопшти денеска Светската здравствена организација.
Пријавени се вкупно 166 случаи на оваа болест, соопшти СЗО, додавајќи дека од 7 септември не е регистриран ниту еден нов случај, пренесе Ројтерс.
Легионерската болест, предизвикана од бактеријата Легионела, може да доведе до тешка форма на пневмонија.
Според СЗО, најчестиот облик на пренос е вдишување на контаминирани аеросоли во комбинација со вода, млазници или преку загадени извори на вода.
Во август, властите објавија дека полската агенција за внатрешна безбедност истражува дали појавата на легионерска болест може да биде резултат на намерна контаминација на водоводниот систем.
Изворот на инфекцијата се уште не е идентификуван и во тек е истрага, соопшти СЗО.