Во 12 коло од најсилното француско ракометно првенство составот на Нант беше убедлив на гостувањето кај Ним со резултат 26:34 (13:15).

Најефикасен во победата, деветта за Нант оваа сезона, беше македонскиот репрезентативец и селектор Кирил Лазаров со девет голови.

За освојувањето на бодовите значаен придонес имаше и голманот Емил Нилсен со 14 одбрани. На спротивната страна доминираше Мохамад Сана со 10 погодоци.

Моментно на табелата Нант е на второто место со 19 бодови, три помалку од ПСЖ, додека Ним е на седмото место со 12.

Во следното коло Лазаров и неговите соиграчи ќе играат дома на 11 декевмри против Шамбери.