Во време кога многумина бараат начини да заштедат пари, купувањето во продавници за половна облека станува сè попопуларно. А, за Ванеса од Чикаго, една таква купување се претвори во неочекувана добивка, објавува „Њузвик“.

Таа ја сподели својата приказна на платформата Редит, со која брзо го привлече вниманието на корисниците. Имено, во локалната продавница „Гудвил“, таа пронашла кожена чанта, не знаејќи дека внатре ја чека изненадување.

„Секогаш барам да пронајдам вистинска кожа, а оваа чанта ми се чинеше идеална – убава, кафеава, преку рамо. Ја планирав за патување“, објаснила таа.

Потоа Ванеса погледнала во внатрешниот џеб и пронашла златен прстен, таблета парацетамол и сметка од мексикански ресторан!

Љубопитна да дознае повеќе за необичниот прстен, таа се обратила до заедницата на Редит.

„Бев во продавница за половна облека и пронајдов прстен во чантата што ја купив. На неа е означена 18к. Можеби е единствена“, напишала таа.

Нејзината објава брзо предизвика лавина од коментари.

„Прекрасно е! Како да те чекал“, напиша едно лице, а друго продолжи: „Ознаката од 18-карати означува висококвалитетно злато, а ние гледаме аметист, прекрасен и достапен полускапоцен камен. Можеби дури и е „винтиџ“ парче накит.“

Благодарение на коментарите, Ванеса дозна повеќе за вредноста на прстенот: „Луѓето ми кажаа дека златото вреди околу 200-300 долари, но дека каменот нема голема вредност“.

Иако не е сигурна како завршил во чантата, Ванеса има теорија: „Јас самата често ги вадам прстените кога ги мијам рацете, па претпоставувам дека претходната сопственичка го сторила истото, го ставила во џеб и заборавила“.

Засега, нема индикации дека вистинскиот сопственик ќе ја контактира, но Ванеса е подготвена да ја чека. А ако тоа не се случи?

„Мислам дека ќе го задржам сепак, наместо да се обидувам да го продадам“, заклучила таа со насмевка.