Во рамките од 1/16 финалето во ракометниот Куп на Германија денеска составот Вецлар направи големо изненадување елиминирајќи го големиот фаворит Кил со 32:31.

За Кил ова е веќе втор пораз во низа за еден од најдобрите ракометни клубови во Германија и светот, пред само два дена загуби и во Бундес лигата од Магдебург со 34:31.

Во редовите на Вецлар настапува македонскиот репрезентативец Филип Кузмановски кој не се запиша во листата на стрелците, а во стручниот штаб на тимот е Филип Миркуловски.

Најефикасен во победничките редови беше Домен Новак со 10 голови, а на спротивната страна седум запиша Ерик Јоханесон.

До сега пласман во осминафиналето од натпреварувањето обезбедија и екипите на Гумерсбах, Фуксе Берлин, Есен, Хамбург и Либек.