Над 100 новогодишни пакетчиња се обезбедени за децата од здружението за промоција и развој на инклузивно општество, „Инклузива” Куманово, информираа денеска надлежните.

Половина од нив се донација од граѓанка од Куманово, половина од општината.

Благица Димитровска од „Инклузива” изјави дека остануваат посветени во напорите за суштинска вклученост на децата и лицата со попреченост во сите сегменти од живеењето.

Здружението бара сите објекти да бидат пристапни затоа што тоа е и законска обврска според законот за градба, но за жал во целост, не се почитува. Наша цел е да обезбедиме и бесплатен логопед, дефектолог, психолог, физиотерапевт за децата со попреченост, како и дневен центар во кој децата ќе можат да добијат социјална поддршка по часовите. Ова се суштински права кои припаѓаат, изјави Димитровска.

Преку проекти, „Инклузива” годинава учествуваше во изградба на сензорна соба во „Бајрам Шабани” и во „Кочо Рацин”, набавка на потребни материјали за сензорна соба во „Наим Фрашери”, адаптиран тоалет во „Христијан Карпош”.