Жена од Скопје е тешко повредена на „Партизанска“ во скопската населба Карпош, кога глутница улични кучиња ја турнала, а во падот се здобила со неколку скршеници и пукнат нос, објави денека корисничка на „Фејсбук“ од Скопје.

„Човек побезбеден ќе се чувствува низ шума ако шета, отколку низ главниот град. Утрово бев сведок на ужасен настан. На партизанска, спроти Симпо, во една жена се удри споулавена глутница кучиња, која ја кутна на земја. Жената ја однесоа со брза помош со неколку скршеници, пукнат нос и кој знае колку страв. Да не зборувам за стравот на ќерка ѝ која дојде да ја земе. Ѓубре, смрдеа, глутници кучиња – главен град“, се вели во нејзината објава на Фејсбук.

Во објавата, таа сподели и вознемирувачки фотографии од повредената жена, кои не ги објавуваме во оригиналната форма.