Скопскиот Кривичен суд денеска доби опрема за тонско снимање на судењата. Опремата е инсталирана во 25 судници. Оваа пракса на аудио-снимање на главните расправи ќе им ја олесни работата на дактилографите.

– На тој начин ќе се забрзаат и ќе бидат поефикасни постапките – изјави претседателот на скопскиот кривичен суд, Иван Џолев

Опремата е донирана од САД. Џолев во судот ја прошета американската амбасадорка, Кејт Брнс.

Тие присуствуваа на првото судење каде првпат се употребуваше оваа опрема. Судењето траеше околу 20 минути и немаше потреба од пишување на записник.

Џолев не знаеше да каже колку вреди опремата, бидејќи како што рече, е донација.

И Џолев и Брнс не одговорија на новинарските прашања. За работата на Кривичниот суд, Џолев ги повика новинарите на брифинг во петок.