Кремљ: Преговорите продолжуваат, договор сè уште нема
Кремљ во четвртокот соопшти дека Русија вложува огромна енергија во разговорите за евентуален мировен договор со Украина што би можел брзо да ја запре руската воена операција таму.
„Нашата делегација вложува огромен напор и покажува поголема подготвеност кон нив отколку другата страна“, рече портпаролот на Кремљ, Дмитриј Песков.
„Носење на таков документ, почитувањето на сите неговите параметри и нивното спроведување може многу брзо да го запре она што се случува“ додаде тој.
Запрашан за извештајот на Фајненшл Тајмс дека Украина и Русија постигнале значителен напредок во пробниот мировен план, Песков рече: „Не е во ред – има елементи што се во право, но во целина тоа е неточно“.
Кремљ ќе објави дека има напредок кога навистина ќе има таков напредок. „Сепак, сите други прашања обратете ги до Фајненшл Тајмс“, се потсмеваше Песков.
Портпаролот на Кремљ, Дмитриј Песков, изјави дека тврдењето на американскиот претседател Џо Бајден дека претседателот Владимир Путин е воен злосторник е неприфатливо и дека САД немаат право да ѝ држат предавања на Русија по нејзината вмешаност во толку многу конфликти.