Вториот тенисер на светот се пласираше во финалето на грен слем турнирот „Ролан Гарос“, со сигурна победа над Диего Шварцман.

Аргентинецот не успеа да ја повтори партијата од полуфиналето и Рафаел Надал само рутински стигна до борбата за трофејот со 6:3, 6:3 и 7:6 (0).

„Бикот од Мајорка“ го обезбеди неговото 13 финале на Отвореното првенство во Франција и на сите досегашни 12 завршни мечеви доаѓаше до титулата, па затоа и го нарекуваат уште како „Кралот на земјата“.

Lucky No.13 awaits…@RafaelNadal notches a straight sets win over Diego Schwartzman 6-3 6-3 7-6(0) to reach his fourth straight, and 13th overall #RolandGarros final. pic.twitter.com/2o55EEWgKA

— Roland-Garros (@rolandgarros) October 9, 2020

Шпанецот ќе го брани трофејот против победникот од втората полуфинална пресметка помеѓу Новак Ѓоковиќ и Стефанос Циципас.

Шварцман и покрај поразот од понеделник за првпат ќе се најде во Топ 10, ќе биде осмиот тенисер на АТП ранг-листата.