Либералите на власт во Романија и нивните поранешни ривали, социјалдемократите, вчера постигнаа договор да формираат коалициска влада, два месеци откако избувна тешка политичка криза среде пандемијата, пренесува Индепендент.

Двете партии, кои ја делеа власта од 2012 до 2014 година пред поделбата, се договорија и за невидено „отстранување“ на премиерот до парламентарните избори во декември 2024 година.

Кандидатот на либералите (ПНЛ) Николае Чиука и социјалдемократот (ПСД) Марсел Чиолаку на тој начин треба да ја преземат функцијата премиер, со мандат од по една и пол година.

„Ги завршивме преговорите за политичката структура на идната влада“, рече Чолаку за новинарите по состанокот со ПНЛ и Унгарската малцинска партија (УДМР), коалициски партнер.

Останува денес да се договори кој ќе биде премиер на новата влада, по што нивниот избор треба да биде потврден од претседателот Клаус Јоханис, додаде Чиука.

Идната влада се соочува со голем број проблеми што треба да се решат што е можно поскоро: инфлација близу осум проценти во услови на забавување на економскиот раст, закрепнување на јавните финансии и управување со здравствената криза.

Последното се случува кога, во земја со 19 милиони жители, само 37 отсто од населението е целосно вакцинирана бидејќи се шири нов бран на особено заразен вид на коронавирус.

Падна владата на Кицу, Романија ќе добие нов премиер