Ковид-19 во светот: Заразени 118 милиони лица од кои 30 милиони во САД
Во светот денеска, според податоците на интернет страницата Worldometer, се заразени вкупно 118 милиони луѓе со ковид-19. Само во последните 24 часа, нивниот број се зголемил за 254.000 од кои најголем дел отпаѓаат на случаите во САД – 27.268 по што следуваат Франција со 23.302, Италија со речиси 20.000, Индија со 16.846 и Турција со 13.755, итн.
Најмногу инфицирани во светот има во САД, речиси 30 милиони, пред Индија и Бразил кои имаат над 11 милиони пациенти со коронавирус.
Русија е на четврто место во светот и прва во Европа по бројот на заразени (4,3 милиони лица). По неа следуваат Велика Британија со 4,2 милиона, Франција со 3,9 милиони, Шпанија и Италија кои имаат преку 3,1 милиони заразени жители, итн.