Сениорската машка репрезентација на Македонија ја совлада репрезентацијата на Турција со резултат 25:26 и е на првото место во групата во квалификациите за ЕП 2020.

Овој меч се одигра во Ескишехир, а токму за Селка Ескишехир настапуваше своевремено нашето десно крило и повремен репрезентативец, Никола Костески кој беше дел и од Борец и Металург.

– Знаев дека ќе биде тешко против селекцијата на Турција, бидејќи луѓето во Ескишехир го сакаат ракометот – ни изјави Костески.

Со Татран Прешов ја освои титулата во словачкиот шампионат. Фановите го избраа и за најдобар играч на сезоната.

– Во Татран Прешов имав убави моменти, бев добро прифатен, од сите го дадов максимумот и на крај го освоивме првото место. Но, јас нема да продолжам во Татран Прешов, не успеавме да се договориме и моментно сум слободен играч – додаде Костески во краткиот разговор.