Владата на Косово објави дека косовскиот премиер Албин Курти потврди дека е подготвен да го потпише Основниот договор за нормализирање на односите со Србија, но дека другата страна не сакала да стави потпис.

„Српскиот претседател Александар Вучиќ одби да го потпише договорот со Косово и побара да се прифати дополнително опфатено писмо, кое практично ги поништува трите принципи на Основниот договор, Анексот за спроведување, како и нацртот предложен од пет емисари на 21-ви октомври”, се вели во соопштението.

Косово го прифати Основниот договор од Брисел од 27 февруари 2023 година, како и спроведувањето на Охридскиот анекс од 18 март оваа година. Документите договорени на овој начин претставуваат заеднички успех со Европската Унија. Договорите треба да се спроведат во целост, безусловно и без никакви одложувања, стои во соопштението на Владата на Косово.

I stressed that following the September 24 terrorist attacks, the importance of 🇽🇰's security is preeminent, as is holding Serbia accountable. Kosova has consented to/adopted the Basic Agreement, and I offered to sign it today this time jointly with the 🇪🇺🇺🇸 proposal of Oct 21.

— Albin Kurti (@albinkurti) October 26, 2023