Кошаркарите на Црвена Звезда одиграа одличен натпревар и славеа победа над Виртус Болоња во Евролигата со 88-52.

Домашниот тим започна фуриозно од самиот старт и по првите десет минути веќе имаа предност од 28-17. Во вториот период разликата на Звезда продолжи само да се зголемува, па на паузата предноста за црвено-белите изнесуваше 51-37.

Второто полувреме донесе само рутинско одработување на задачата и избраниците на Јанис Сферопулос не дозволија некое изненадување.

Најефикасен беше Давидовац со 17 поени, додека во редовите на поразените Шенгелија средбата ја заврши со 13 поени.