Кошаркарската репрезентација на САД обезбеди пласман во четвртфиналето на Олимписките игри во Токио откако во последниот натпревар во групната фаза ја совладаа Чешка со 119:84.

„Дрим-тимот“ настапите во групата А ги заврши со две победи и пораз од Франција на стартот од турнирот, додека Чешка има една победа и два порази и ќе мора да го чека исходот од дуелот помеѓу Аргетина и Јапонија по што ќе биде познато кои третопласирани селекции ќе играат во нокаут фазата.

Чесите одлично го започнаа натпреварот против САД, со добра игра во одбраната и сигурна реализација тие во два наврати имаа двоцифрена предност (17:7 и 19:9), а по 10 минути игра водеа со 25:18.

Но, од втората четртина кошаркарите на САД заиграа далеку подобро и со тројката на Кевин Дурент во 14. минута за прв пат поведоа на натпреварот (34:33) и до крајот на натпреварот не ја испуштија предноста.
Американците дилемите околу победникот ги решија во третата четвртина која ја добија со 35:17.

With that bucket, @KDTrey5 becomes the men’s all-time leading scorer in Team USA @Olympics history, passing @carmeloanthony ??

Is KD the best scorer in history? ?#Tokyo2020 | #Basketball pic.twitter.com/gUvHrkGGCQ

— FIBA #Tokyo2020 (@FIBA) July 31, 2021

Најзаслужни за победата на САД беа Џејсон Тејтум со 27 поени и Кевин Дурент кој даде 23 поени и стана најдобриот стрелец на САД на Олимписките игри. Дурент дојде до бројката од 339 постигнати поени на Олимписките игри и до надмина Кармело Ентони кој постигна 336 поени за својата репрезентација на олимписките турнири. Во редовите на Чешка се истакна Блејк Шилд со 17 поени, а Ондреј Болвин даде 15 поени.