Една 71-годишна жена од Вашингтон боледувала од леукемија, па затоа нејзиниот имунолошки систем бил ослабен и со тоа и помалку способен да се ослободи од честичките на вирусот кои биле присутни дури 70 дена во нејзиниот организам.

Според новиот извештај, жената која била позитивна на коронавирус во себе го носела вирусот дури 70 дена, што значи дека цело време била заразена, но не покажувала никакви симптоми на болеста.

Иако истражувачите и порано се сомневаа дека луѓето со ослабен имунолошки систем можат да бидат заразени подолго време, до сега имало многу малку докази за тоа.

Резултатите биле спротивни од упатствата на Центрите за контролаи превенција на болести во Америка, кои велат дека имунокомпромитираните луѓе со КОВИД-19 веројатно не можат да ја бидат заразени по 20 дена. Новите откритија сугерираат дека вирусот може да биде во различна форма за одредени имунокомпромитирани пациенти, пишува во студијата објавена во списанието „Cell“.

„Како што продолжува да се шири вирусот, така ќе се заразуваат сè повеќе и повеќе луѓе со низа имуносупресивни нарушувања и важно е да се разбере како вирусот се развива кај тие пациенти“, вели Винсент Мунстер, вирусолог од Националниот институт за алергии и заразни болести во Америка.

Оваа жена се заразила кон крајот на февруари во рехабилитациски центар во Киркленд, Вашингтон, каде што била пациентка. Таа била хоспитализирана заради анемија поврзана со рак на 25 февруари, а лекарите ја тестирале и за КОВИД-19. На 2 март, резулатите покажале дека таа е позитивна на коронавирусот.

Во текот на следните 15 недели, тие ја тестирале повеќе од 10 пати. Заразни честички на вирусот биле присутни цели 70 дена, што значи дека таа можела да го шири вирусот целото тоа време.

Истражувачите успеале да го изолираат вирусот од нејзините примероци и го анализирале во лабораторија. Во извештајот се наведува дека луѓето со КОВИД-19 се заразни околу осум дена по инфекцијата. Најдолгото времетраење на инфекцијата било забележано дека е 20 дена.

Авторите на оваа студија, исто така, извршиле генетско секвенционирање на „SARS-CoV-2“ за време на нејзината инфекција и виделе дека вирусот со текот на времето развил неколку мутации. Сепак, мутациите не влијаеле на тоа колку брзо се реплицирал вирусот.

Како се ослободила од вирусот е непознато и тоа е нешто што треба дополнително да се анализира во идните истражувања кои би вклучувале пациенти со послаб имунолошки систем, велат истражувачите.

Покрај тоа, не се знае зошто таа не покажала симптомин а КОВИД-19 и покрај тоа што била имунокомпромитирана. Истражувачите забележуваат дека оваа студија вклучува само еден случај, па наодите не мора да важат за сите пациенти со слична состојба.