Колку граѓаните не се грижат за својата околина говорат сликите од Ново Лисиче, каде утрово контејнерите беа затрупани со огромна количина кабаст и други видови отпад, кои наместо да бидат исфрлени од домовите според утврдената процедура и понатаму несовесно се оставаат на паркинзи, околу контејнери и на зелени површини.

Го осудуваме ваквото однесување и повторно апелираме до граѓаните да водат грижа за јавните површини, за својата околина и местата на кои секојдневно се движат. Службите на Општина Аеродром секојдневно се на терен и се грижат за одржувањето на чистотата на највисоко ниво, но неопходно е да постои свест и грижа кај секој од нас – апелираат од Општина Аеродром.

Оттаму потсетуваат дека за фрлање кабаст отпад постојат утврдени процедури од страна на јавното претпријатие „Комунална хигиена“ и дека за несоодветното одложување кабаст отпад предвидена е соодветна санкција која ја изрекуваат општинските инспекциски служби.