Екипите на ЈП „Комунална Хигиена“ – Скопје вчеравечер целосно го исчистија плоштадот „Македонија“ по завршувањето на волонтерската акција за собирање на хуманитарна помош за настраданите во земјотресот во Турција и Сирија.

Од плоштадот подигнати се неколку тони материјал кој не беше искористен како хуманитарна помош. Им благодариме и на волонтерите кои активно се вклучија и во акцијата за чистење на плоштадот „Македонија”, пишуваат на Фејсбук од претпријатието.

Во текот на вчерашниот ден имаше низа реакции за глетката на плоштадот во центарот на Скопје. Несовесни граѓани со цел да ги исчистат плакарите донираа неупотреблива облека за погодените од земјотресот, а плоштадот беше претворен во депонија.

Иницијаторите на оваа хуманитарана акција вчера најавија дека ќе се дислоцираат на повеќе локации и апелираа до граѓаните да не носат стара облека, а тоа што ќе го примат како донација ќе биде само нова облека, како и храна и облека за деца.

ВИДЕО: Плоштадот стана депонија, граѓаните си направија чистка во плакарите и подрумите и непотребното го испратија во Турција