Колку треба да пешачите за да изгубите еден килограм сало?
Губењето на еден килограм маснотии може да звучи како едноставна цел, но зад таа бројка лежи сериозен труд и голем дефицит на калории.
Препорачано
За да изгубите еден килограм сало, треба да согорите помеѓу 7.000 и 7.700 калории – во зависност од составот и количината на вода во вашето масно ткиво, пишува „Слободна Далмација“.
Колку калории трошат различни активности?
Еден килограм сало не е лесно да се изгуби.
Секако, потрошувачката на калории зависи од полот, возраста, телесната маса и интензитетот на вежбање.
За лице со тежина од 70 килограми, приближниот број на согорени калории на час изгледа вака:
– Одење (5 км/ч) – 330 до 370 калории
– Побрзо одење (6–8 км/ч) – околу 500 калории
– Одење по угорница – 400 до 700 калории
– Трчање (10 км/ч) – 700 до 800 калории
– Трчање по скали – до 819 калории
– Возење велосипед (15–20 км/ч) – околу 500 калории
– Побрзо возење велосипед (22–25 км/ч) – до 735 калории
– Пливање (брзо темпо) – околу 590 калории
– Пешачење – околу 438 калории
– Скокање со јаже – дури 861 калорија
Колку вежбање е потребно за да се изгуби еден килограм?
Ако ги земеме предвид просечните 7.000 калории, тоа би значело дека:
– треба да пешачите 20 часа со умерено темпо
– да трчате 9 до 10 часа
– да возите велосипед околу 14 часа
– да пливате 12 часа
Секако, не е препорачливо сето ова да го правите одеднаш – ниту физички ниту ментално.
Вежбањето треба да трае до два часа дневно, а почетниците треба да започнат со 30 минути и постепено да го зголемуваат времетраењето.
Најдобар пристап: комбинација од исхрана и вежбање
Експертите советуваат комбинирање на намален внес на калории со зголемена физичка активност. На пример, ако изедете 500 калории помалку дневно и дополнително потрошите 500 преку движење, активност, можете да изгубите околу еден килограм маснотии за една недела.
Клучот е во доследноста, паметното планирање и секојдневните мали чекори. Наместо да бркате чудо за три дена, фокусирајте се на одржлив ритам – и резултатите ќе дојдат.
