Еден човек од Франкфурт освоил 15,3 милиони евра на лотарија, но тоа го открил дури шест месеци подоцна, кога го пронашол заборавеното лото ливче во џебот од палтото, пишуваат странските медиуми.

Германецот не знаел за својата добивка цела пролет и лето, и покрај кампањата за пронаоѓање на добитникот, со постери што го поканувале добитникот да се јави.

Добитникот рекол дека дури и слушнал за кампањата за пронаоѓање на среќниот добитник, но дека не се сомневал дека можеби е тој.

„Слушнав за тоа на радио во тоа време и си помислив – колку глупав можеш да бидеш што не го земаш? Никогаш не ми паднало на памет дека јас би можел да бидам личноста што ја бараат“, рекол човекот.

Тој го открил добитното ливче кога времето се заладило во Германија и кога ја извадил јакна што не ја носел од март.

„Кога ги проверив броевите на мојот телефон и ја видов добитната сума, бев целосно шокиран, за среќа седев, инаку колената ќе ми попуштија“, рекол добитникот на лотарија.