Инвеститорите ширум светот веќе силно размислуваат какво влијание би имала нова светска војна на инвестицискиот пазар доколку се случи. Српскиот весник „Политика“ во обемна анализа прави проценка за тоа кој би имал полза, а кој би бил оштетен доколку дојде до нова војна. Оваа можност досега не предизвика големи потреси, но пазарите веќе подолго време стравуваат, па има сè помалку инвестиции кои имаат помал ризик.

Се чини дека ситуацијата на пазарот не е на работ на паника, што може да се очекува во пресрет на светска војна. Впрочем, светската економија функционира како да се нула шансите да се случи такво нешто. Исто како што беше само неколку дена пред почетокот на Првата светска војна.

Историски гледано, ако големите инвеститори предвидат можност за трета светска војна, тешко дека би можеле да предвидат каде ќе го одведе светот таков конфликт, а камоли како би можеле да профитираат во тој случај.

Војната, од гледна точка на инвеститорите, банкарите и најбогатите луѓе во светот, вклучува прекумерно ниво на несигурност далеку над опсегот на пресметан ризик на кој се навикнаа повеќето профитери. На тоа треба да се додаде фактот дека претходните светски војни носеа прилично нејасни лекции за тоа како се функционира во светот на инвестициите.

Денес, постои поголем и пострашен извор на несигурност, бидејќи многу држави поседуваат нуклеарно оружје. Финансиски гледано, тоа има големо значење, бидејќи во нуклеарна катастрофа инвестициите тешко би имале некаква вредност.

Иако војните несомнено носат профит, особено за земјите чија економија е најмногу зависна од воено-индустрискиот комплекс како САД, инвеститорите тешко би се осмелиле да предизвикаат ситуација која би можела да излезе од контрола.

Заканата од војна и можниот конфликт се повеќе мистерија за инвеститорите отколку за воените генерали кои би имале некаква контрола во тој случај.

Во случај на воена катастрофа, идните историчари би можеле да се восхитуваат на очигледната рамнодушност на денешните инвеститори.

Само една недела пред почетокот на Првата светска војна, цените биле во мирување, а пазарите на пари, акции, обврзници и благородни метали не покажувале никакво движење за хаосот што ќе следи. Во следниот момент, сè излегло од контрола и суровите контролори на капиталот сфатиле што значи војна.

Нешто повеќе од сто години подоцна, сведоци сме на сè почестата појава на конфликти во светот. Во меѓувреме, врската меѓу парите и војната ќе се испреплетува во фази што меѓу другото ќе доведе до несомнено влијание врз финансиските пазари.

Во најлошото сценарио, светот е веќе на прагот на третата светска војна, а увертирата започна со масовноста на руските трупи долж украинската граница и војната во Израел.