Коалиција Менуваме бара зголемување на детскиот додаток и додаток на попреченост, најавија протести
Коалиција Менуваме реагира до Владата дека и по 30 дена од акцијата за протест за социјална правда, рамноправност, не дискриминирај, проблемот за
децата и лицата со попреченост, нивните родители и асистентите во однос на барањето поднесено до Владата е несоодветно третиран.
-Во исчекување се сите инволвирани во социјална заштита во делот на додатокот на попреченост и додатокот за посебен детски додаток за категорија деца и лица со попреченост за одлука која што треба да ја донесе Владата како најодговорна институција за овој проблем. Бараме сите деца и лица со попреченост да се ставени во приоритетни категории и мора да се покачи посебниот детски додаток од 5.100 на 10.000 денари и додатокот на попреченост од 7.100 на 12.000 денари, реагираат оттаму.
Како Коалиција Менуваме, додаваат оттаму, јавно бараме одговор од Владата, бидејќи логиката на нештата кажува дека 30 дена е сосема доволен временски период да се детектираат, истражат и научат проблемите на теренот и да се донесе соодветна одлука.
– Коалицијата МЕНУВАМЕ тоа го направи и изгради сосема јасен став кој што е пласиран во јавноста. НВО секторот е важен субјект во креирањето на политиките во секоја држава, па и кај нас. Нудевме, ќе нудиме и ќе нудиме безгранична соработка во интерес на сите а пред се на децата и лицатав со попреченост и нивните родители и асистенти конкретно за достиинствен живот, велат оттаму.
Тие најавија протест на 7 септември во 18 часот, со цел, како што велат, лицата со попреченост да останат во фокусот на јавноста, и да наметнат приоритети на Владата и на Собранието, под слоганот „30 години заборавени не разбрани и не прифатени”. Протестниот марш ќе се одржи од Владата до Собранието на Северна Македонија.
Извор: МИА