Неодамна беше објавено дека култниот филм „Телохранител“ (The Bodyguard), со Витни Хјустон во главната улога, ќе добие римејк. Првично се шпекулираше дека главната улога би можела да ѝ припадне на Тејлор Свифт, но наводно продуцентите наместо пејачката ја сакаат Ким Кардашијан како главна ѕвезда.

„Сите претпоставуваа дека Тејлор ќе ја добие улогата што првично ја играше Витни Хјустон, бидејќи римејкот на ‘Телохранител’ го режира Сем Вренч, кој го режираше филмот за турнејата на Тејлор ‘Ерас’ од 2023 година“, изјави извор за „Дејли мејл“.

„Но, луѓето од ‘Варнер Брос’ се многу заинтересирани за Ким. Тие веќе имаа неколку состаноци и сценариото е напишано за неа. Ким е една од најпознатите луѓе на планетата. Таа би била совршена за филмот и таа го знае тоа. Сите се многу возбудени“, додал изворот.

Претходно беше објавено дека Свифт била блиску до потпишување на договорот, а таа наводно размислувала за нови песни кои ќе ги напише за филмот.

Витни Хјустон ја играше поп-ѕвездата Рејчел Марон во „Телохранител“, на која луд обожавател почнува да ѝ испраќа смртни закани. Откако во нејзината соблекувална експлодира бомба, таа го ангажира Френк Фармер (Кевин Костнер) како телохранител. Френк и Рејчел се зближуваат за време на филмот и еднаш спијат заедно, но Френк ја завршува нивната афера веќе следниот ден.

Филмот заработи нешто повеќе од 400 милиони долари, а саундтракот продаде над 50 милиони копии и ја освои наградата Греми во 1994 година за албум на годината. Песните „I Have Nothing“ и „Run to You“ исто така беа номинирани за Оскар, а хитот „I Will Always Love You“ стана една од најпознатите филмски песни на сите времиња.